跳到主要內容區塊
:::

半路竹街順口溜

    半路竹街
    (台語發音)

    文/ 蘇晏德

    路竹城 半路名 半路竹街古早名
    安平鳳山南北行 古早竹林真有名
     
    路竹城 螺絲城 螺絲出口第一名
    產量世界排頭名 發展經濟望你成(tshiâⁿ)
     
    路竹城 果菜城 花菜賣甲叫阿娘
    柑仔蜜的大本營 滋味甘甜共人涎(siâⁿ)
     
    路竹城 雞卵城 福記鐵卵真出名
    雞卵品質好名聲 金銀趁甲規大廳
     
    路竹城 大廟埕 華山殿府有留名
    先人駐兵的兵營 有閒歡迎來遮行
     
    路竹城 科技城 科學園區結親情(tsiâⁿ)
    帶動就業的工程 經濟起飛全民贏
     
    路竹城 運動埕 運動公園抵起行
    公園內底無山嶺 數年以後滿樹影
     
    路竹城 交通城 路竹交通通京城
    鐵路公路有站名 歡迎鬥陣來遮行
    :::
    ▲開啟 ▼關閉